تحدّثت مريم الغضباني ابنة المحامي التونسي المرحوم حسن الغضباني في برنامج إنت الحب الذي تبثه قناة نسمة عن ما عاشته إثر فقدان والدها خاصّة وأنّ علاقتهما كانت قويّة وعبّرت عن حزنها متحدّثة :"أنا تحرقت على بابا ، قسما بالله حسيت احساس الحرق في الأيامات الأولى كي مات بابا نحس في النار من داخل ومن برا .. وليت نفهم شمعناها قلب انفطر نحس قلبي تفتفت وباش يتعاود يتلم كيما كان مستحيل ، أما ممكن الوقت يخلي الجروح تلسق أما الاثار موش باش تتنحى..".
و أضافت متحدّثة في ذات السياق :"الوقت مايداويش بل يخليك تتعود بالمصيبة ...".
كما وجّهت رسالة إلى الأبناء الجاحدين الذين لا يقدّرون آباءهم معتبرة وجود الوالدين في حياتهم اكبر نعمة :"رسالتي للأبناء الجاحدين والديهم ، أنت عندك نعمة فما غيرك يتمنى فيها ، غيرك يتمنى لحظة في حلمة .. أنا أول ماتوفى بابا كنت كي باش نرقد نشهد ونقول يا بابا بجاه ربي طل عليا في الحلم حتى لحظة..".
و أضافت :"أنت عندك أمك وبوك قدامك نقلكم تداركو ، الموت راهي تغدر وماترحمش .. راهي مصيبة راهي قهارة وتقعد بقهرة متنجمش تداويها مدى الحياة".
الفيديو :