استضاف برنامج فكرة سامي الفهري على قناة الحوار التونسي الليلة الكوميدي الشاب محمد علي التونسي، وأثارت تصريحاته مع البابارازي جدلا واسعا على صفحات مواقع التواصل الإجتماعي خاصة بحديثه عن بداياته والظروف الاجتماعية الصعبة التي مرّ بها، وقال :"أنا أول ما جيت للعاصمة كنت يلزمني نخدم باش نصرف على روحي ونعاون دارنا.. ملي عمري 19 سنة خدمت المرمة وخدمت في قهوة في بيت الشيشة.. وأمي ما فيبالهاش وكي تكلمني تقلي شنوة تعشيت نبدى نسميلها في أكلات موجودة على الطاولة وأنا مانيش نرى فيها وبايت بلاش.. ودارنا ما نطلبهمش في فلوس وكي نكلمهم كان باش نقلهم بعثتلكم فلوس امشيو للبوسطة.. أنا توا فخور بنفسي لدرجة إني كي نغزر للمرايا نبوس روحي.. وواحد آخر في بلاصتي على الشي الي تعديت بيه يروح من الجمعة الاولى".
وتأثر باكيا عند حديثه على والدته :"عندي أمي ما عندهاش في قاموسها الي أنا معروف ونخدم وعندي فلوس.. نهار الأحد كي تبعثلي القضية تبعثلي معاها "صرّة" الفلوس كيما في التصويرة.. وديما تقلي جملة تمسني برشا مادام أمك حية ما يهمك في شي".
الفيديو :