تحدّثت الممثلة يسرى المناعي خلال استضافتها اليوم في برنامج O'Star على إذاعة ديوان أف أم عن تجربتها ككرونيكوز في برنامج "الكل في الكل" وبرنامج "خميس عليك" وقالت أنها تجربة من التجارب التي خاضتها وأن كل محطة في حياتها تقدم لها الإضافة، وحول اسباب انسحابها من برنامج الكل في الكل قالت :"أنا مانيش نادمة لكن لقيت راحتي أكثر في خميس عليك
و اليوم مرتاحة ونحس أنو يسرى الاساتذة تعطي رايها كيف ما تحب مايناقشوهاش ومايفرضوش عليها شباش تقول ... قبل فما حاجات يتفرضو عليا باش نقولهم ، فما ديما البوز وأنا نحاول باش نبعد عليه ... ويقولولي لازمك تقول وتعبر ... فما حاجات على راجلي كنت ملزومة نقولهم".
وأضافت :" فما حاجات قلقتني في الكل في الكل مايتقالوش وصارت عرك ومشاكل وقررت اني ننسحب ... وأنا انسانة مانحب حد يفرض عليا شنقول ومانقولش ونجي نلقى ورقة مكتوب فيها قول هكا وماتقولش هكا".
وبخصوص غيابها عن الأعمال التلفزية قالت أن المعايير والمقاييس تغيرت :"أنا مانلومش على المخرجين نقول ممكن مايرانيش في الأدوار وتوا نستنى حظي كيما جاني في شوفلي حل .. مانسمعش بالكاستينغ اليوم .. كل عام نقول نتمنى نكون موجودة والسنة تمنيت روحي في براءة وحرقة وفوندو ... أنا ممثلة من حقي نكون موجودة".
فيديو
التسميات
منوعات