خلال استضافته في برنامج "لاباس شو" على قناة التاسعة ليلة البارحة السبت 14 ماي 2022، تحدّث اللاعب الدولي السابق رياض البوعزيزي عن علاقته باللاعب الراحل الهادي بالرخيصة وصدمته عندما علم بخبر وفاته.
وقال عندما عرض عليه نوفل الورتاني قميص اللاعب الراحل :"المريول هذا متاع العزيز الغالي الهادي بالرخيصة الله يرحمو.. كان محبوب من الناس الكل وكان نجم النجوم متاع تونس.. رفعلنا روسنا الكل .. نهار الي توفى أنا كانتلي صدمة.. مروح من الملعب ويسكن بحذايا خويا الصغير
عرضني قلي راني سمعت الهادي بالرخيصة مات.. ضربتو بكف قتلو تسمع في الاشاعات".
وأضاف رياض :"دخلت طلبت الإذاعة نستفسر تبلوكيت ما فهمت حتى شي.. تصدمت ما لقيت ما نعمل .. نهار الدفينة كي وصلت للجبانة انهرت وجاتني هستيريا خاصة كي شفت العباد غادي كيفاش.. فما عباد ما كانتش باهية معاه ولات تحب الهادي ياسر.. النفاق مع الموت علاش..".
التسميات
أخبار الرياضة